Zai was hier kommen dou ze nog klaain was
Mos mit pa en moeke mit
Verhoalen over t laand van herkomst
Woar elk tot soavends loat boeten zit
Zai wos votdoalek dat ze aans was
Dat muik elk heur zonnekloar
Zai pruiten aans as zai thoes wend was
Aander volk aander kleur aander toal
En zai kon min over kolle, 't was een kind van de zun
Donk're hoaren, broene ogen en 'n zuudlek temprement
En zai kon nait tegeb de regen
Van dit nadde kikkerlaand
Woonde in 'n olle stroade, nait veul gruin
En zag allint blinde muur van d'overkaant
In vekansies zochten ze 't dorp op
Gingen femilie weer bie langs
Verhoalen over 't rieke westen
Eterij, meziek en daans
Zai wos votdoalek dat ze aans was
'n Vrumde in heur aigen laand
Zai pruiten zo as zai thoes wend was
't Zulfde volk, zulfde kleur, toch boetenlaands
In dat hoes woar dreum en wenst hong
Zai bleven en wollen toch weerom
Verdoolden tussen twij culturen
Hier woar 't haart nait oarden kon
Zai wos votdoalek dat ze aans was
Dat muik elk heur zonnekloar
Zai pruiten aans as zai thoes wend was
Aander volk aander kleur aander toal |
